Como cada ano, dende 1999, celébrase o 21 de marzo o Día Mundial da Poesía para conmemorar unha das formas máis prezadas da expresión e da identidade lingüística da humanidade.
Este día é a ocasión para honrar a poetas, revivir tradicións orais, promover a lectura, a escritura e a ensinanza da poesía.
Na nosa biblioteca instalamos un estudo de gravación por onde pasen os distintos cursos para elaborar un "podcast poético". Esperamos que o desfrutedes!
Cada 23 de febreiro, coincidindo coa data do nacemento de Rosalía de Castro, celébrase o "Día de Rosalía" para recordar e dar a coñecer a figura desta ilustre escritora e poeta galega.
Dende as aulas traballáronse diferentes contidos que podedes atopar no apartado Día de Rosalía deste blog ou premendo en ACTIVIDADES.
Na biblioteca puxemos un expositor recordatorio do "Día" e algúns libros da autora.
Entre todos os cursos do centro elaborouse unha fantástica colaxe cunha imaxe de Rosalía.
Estimadas familias:
Comezamos hoxe coa proposta de actividades, para compartir na casa, que enviamos cada curso a través das mochilas viaxeiras: lecturas, música, películas, xogos...
Cada venres unha familia recibirá a mochila para gozar do seu contido ata o xoves seguinte.
Contamos coa vosa implicación e esperamos que actividade sexa do voso agrado.
Rematamos o ano coa chegada do Nadal.
A nosa biblioteca decórase para a ocasión e a nosa "Nedi" convértese en "Mamá Noel" para acompañar a exposición de libros navideños.
Ademais, para estas datas festivas e de vacacións, ofrecémosvos, unha vez máis, unha guía de lecturas para encher o tempo de ocio con emocións, risas, medo, diversión...e todas as aventuras que atopamos nos libros.
Bo Nadal e felices lecturas!!
O pasado mércores día 30 de outubro celebramos o Samaín no cole.
Na biblioteca tivemos sesión de contacontos dramatizado da man da nosa compañeira Paula coa axuda do alumnado de 6º.
A partir das 12 h. tamén compartimos coas familias a tradicional exposición de libros de medo e decoración da nosa biblio.(Preme na imaxe para velo).
