Hoxe rematamos este curso. Esperamos que desfrutarades das actividades realizadas. Agora toca tempo de descanso e de lecer para o que vos propoñemos algunhas recomendacións na nosa guía de lecturas.
Vémonos en setembro.
FELIZ VERÁN E FELICES LECTURAS!!
Hoxe celebramos o Día do Libro cunha "hora de ler" conxunta. Unha lectura grupal con todo o alumnado compartindo e gozando dos libros.
Pola tarde temos a sorte de contar coa visita da escritora Paula Merlán.
Hoxe é o Día do Cómic e celébrase o 17 de marzo en recordo do inicio da publicación da mítica revista de historietas TBO.
Na biblioteca contamos cunha sección de libros de banda deseñada e hoxe fixemos unha pequena selección para poñer no noso expositor: Mortadelo e Filemón, Astérix, Tintín, manga...
Desfrutade da lectura!
Hoxe recordamos o nacemento da escritora Rosalía de Castro adicándolle un singular xardín de flores feitas polo alumnado reciclando caixas de ovos.
Poesía, música e murais sobre a súa vida completaron a homenaxe neste 23 de febreiro "Día de Rosalía".
Dende a biblioteca queremos desexarvos un Bo Nadal e un comezo de ano cheo de ledicia.
Recomendámosvos que lle adiquedes un tempiño á lectura e deixámosvos un enlace coa guía de libros, que vos propoñemos este curso, en relación ao noso proxecto de centro da "Volta ao mundo".
Feliz Nadal e Felices Lecturas!!
