DÍA DO LIBRO

Hoxe celebramos o Día do Libro cunha "hora de ler" conxunta. Unha lectura grupal con todo o alumnado compartindo e gozando dos libros.

Pola tarde temos a sorte de contar coa visita da escritora Paula Merlán.

DÍA DO CÓMIC

 Hoxe é o Día do Cómic e celébrase o 17 de marzo en recordo do inicio da publicación da mítica revista de historietas TBO.

Na biblioteca contamos cunha sección de libros de banda deseñada e hoxe fixemos unha pequena selección para poñer no noso expositor: Mortadelo e Filemón, Astérix, Tintín, manga...

Desfrutade da lectura!

DÍA DE ROSALÍA 2026

Hoxe recordamos o nacemento da escritora Rosalía de Castro adicándolle un singular xardín de flores feitas polo alumnado reciclando caixas de ovos.

Poesía, música e murais sobre a súa vida completaron a homenaxe neste 23 de febreiro "Día de Rosalía".

FELIZ NADAL 2025

Dende a biblioteca queremos desexarvos un Bo Nadal e un comezo de ano cheo de ledicia.

Recomendámosvos que lle adiquedes un tempiño á lectura e deixámosvos un enlace coa guía de libros, que vos propoñemos este curso, en relación ao noso proxecto de centro da "Volta ao mundo".

Feliz Nadal e Felices Lecturas!!

 

SAMAÍN NA BIBLIOTECA

Hoxe celebramos no centro o Samaín.

A nosa biblioteca "viste" para a ocasión con pantasmas, arañeiras e arañas xigantes.

Non teñas medo e non deixes de visitar a terrorífica exposición de libros premendo na imaxe.

Queremos facer especial mención da representación teatral que fixeron tres alumnos de 5º de primaria, Martina, Lidia e Mario, que con tanta ilusión prepararon. 

Coa súa dramatización encheron de maxia a biblioteca e agasallaron con doces e pulseiras aos que se achegaron a desfrutar da actuación.  

Moitas grazas aos tres pola vosa iniciativa e felicidades pola vosa creatividade!