Dende a biblioteca queremos desexarvos un Bo Nadal e un comezo de ano cheo de ledicia.
Recomendámosvos que lle adiquedes un tempiño á lectura e deixámosvos un enlace coa guía de libros, que vos propoñemos este curso, en relación ao noso proxecto de centro da "Volta ao mundo".
Feliz Nadal e Felices Lecturas!!
Hoxe celebramos no centro o Samaín.
A nosa biblioteca "viste" para a ocasión con pantasmas, arañeiras e arañas xigantes.
Non teñas medo e non deixes de visitar a terrorífica exposición de libros premendo na imaxe.
Queremos facer especial mención da representación teatral que fixeron tres alumnos de 5º de primaria, Martina, Lidia e Mario, que con tanta ilusión prepararon.
Coa súa dramatización encheron de maxia a biblioteca e agasallaron con doces e pulseiras aos que se achegaron a desfrutar da actuación.
Moitas grazas aos tres pola vosa iniciativa e felicidades pola vosa creatividade!
Onte tivo lugar, como cada ano, a feira de cambio de libros usados no Día Das Bibliotecas.
Nesta XVI edición, a actividade continúa a ser un éxito. O alumnado segue participando con gran ilusión e gozando da xornada.
Moitas grazas a tod@s pola vosa colaboración!!
Este curso facemos no cole un proxecto de centro sobre "a Volta ao mundo en 80 días".
Tomando como referencia a obra de Julio Verne, faremos unha viaxe extraordinaria arredor do mundo. Investigaremos sobre países, idiomas, costumes, medios de transporte...
Maletas preparadas?? Pois comezamos!!
Hoxe, 2 de outubro, partimos desde Londres da man de Phileas Fogg e Passepartout e iniciamos así a nosa aventura.
Boa viaxe!!
Comezamos un novo curso, cun ambiente renovado na nosa biblioteca, coa ilusión de seguir mellorando e poder ofrecervos un espazo cheo de posibilidades de aprendizaxe: actividades de lectura, de consulta, de participación, de expresión, de investigación, de manipulación, de creación...
Desexámosvos moi feliz curso!
