Páginas

viernes, 21 de febrero de 2025

DÍA DE ROSALÍA 2025

Cada 23 de febreiro, coincidindo coa data do nacemento de Rosalía de Castro, celébrase o "Día de Rosalía" para recordar e dar a coñecer a figura desta ilustre escritora e poeta galega.

Dende as aulas traballáronse diferentes contidos que podedes atopar no apartado Día de Rosalía deste blog ou premendo en ACTIVIDADES.

Na biblioteca puxemos un expositor recordatorio do "Día" e algúns libros da autora.

Entre todos os cursos do centro elaborouse unha fantástica colaxe cunha imaxe de Rosalía.

viernes, 7 de febrero de 2025

MOCHILAS VIAXEIRAS

Estimadas familias:

Comezamos hoxe coa proposta de actividades, para compartir na casa, que enviamos cada curso a través das mochilas viaxeiras: lecturas, música, películas, xogos...

Cada venres unha familia recibirá a mochila para gozar do seu contido ata o xoves seguinte.

Contamos coa vosa implicación e esperamos que actividade sexa do voso agrado.


viernes, 20 de diciembre de 2024

NADAL 2024

Rematamos o ano coa chegada do Nadal. 

A  nosa biblioteca decórase para a ocasión e a nosa "Nedi" convértese en "Mamá Noel" para acompañar a exposición de libros navideños.

Ademais, para estas datas festivas e de vacacións, ofrecémosvos, unha vez máis, unha guía de lecturas para encher o tempo de ocio con emocións, risas, medo, diversión...e todas as aventuras que atopamos nos libros. 

                                                                        Bo Nadal e felices lecturas!!

martes, 5 de noviembre de 2024

SAMAÍN NA BIBLIOTECA

O pasado mércores día 30 de outubro celebramos o Samaín no cole. 

Na biblioteca tivemos sesión de contacontos dramatizado da man da nosa compañeira Paula coa axuda do alumnado de 6º.

 

A partir das 12 h. tamén compartimos coas familias a tradicional exposición de libros de medo e decoración da nosa biblio.(Preme na imaxe para velo).




jueves, 24 de octubre de 2024

24 DE OUTUBRO - DÍA DAS BIBLIOTECAS

Un ano máis conmemoramos no centro o Día das Bibliotecas cunha xornada de cambio de libros, nunha feira da que celebramos hoxe a XV edición coa mesma ilusión de sempre.

Preme na imaxe se queres ver algunhas fotos coa canción "Me gusta leer" de Miss Meymi.

                                                FELIZ DÍA DAS BIBLIOTECAS!