Libros de Medo polo Samaín

   Entre o 4 e o 7 de novembro tivemos na biblioteca unha exposición de libros de medo, a disposición do alumnado e mestres, tanto na hora de ler como en préstamo para a casa. Aquí tedes unha imaxe da biblioteca estes días pasados.

V Feira do Libro

       O 24 de outubro, con motivo da celebración do Día Internacional das Bibliotecas Escolares, levamos a cabo unha nova edición da feira de intercambio de libros.
       Agradecemos aos nenos e ás súas familias a elevada participación e esperamos que esta feira se siga a consolidar ano tras ano, tentando seguir a mellorar na súa organización.

LIBROS PARA LER NO VERÁN

O equipo da biblioteca do CEIP San Isidro vos desexa,

  Feliz Verán e Felices Lecturas !!! 

VISITA DE ANTÓN CORTIZAS

   Organizada polo Equipo de Normalización Lingüistica, o pasado día 9 de maio, tivemos no colexio a visita do escritor Antón Cortizas.

O encontro tivo lugar na biblioteca,  consistiu nunha charla cos alumnos de terceiro e cuarto curso na que puideron falar  da obra que están a ler, "Era unha vez na quimbamba".

      A charla rematou con moitas preguntas ao autor, a lectura dalgúns poemas do seu libro e un xogo de adiviñanzas.

   Por último, Antón Cortizas estivo encantado de asinar os libros dos alumnos con dedicatorias moi divertidas.

Moitas grazas a Antón Cortizas pola súa amabilidade, esperamos que pronto poidamos  volver a conversar con él sobre outra das súas obras.

I MARATÓN DE LECTURA

Hoxe realizamos na biblioteca o I Maratón de Lectura para celebrar dúas datas moi simbólicas, o Día Internacional do Libro Infantil e Xuvenil que foi o pasado 2 de abril, e o Día Internacional do Libro que será o próximo 23 de abril.

Organizada polo equipo de Normalización Lingüística, ao longo de toda a mañá, alumnos e pais levaron a cabo esta actividade de lectura ininterrompida. Deste xeito queremos homenaxear ós autores, e fomentar a lectura axudando aos nenos a descubrir a diversión e o encanto de ler.

Queremos agradecer a participación daqueles pais que nos axudaron a facelo posible.