EXPOSICIÓN DE LIBROS DE MEDO

Este venres 28 de outubro, celebramos no noso centro o Samaín. Desde a biblioteca tamén quixemos participar facendo unha exposición de libros de medo e unha decoración "terrorííífica".

24 DE OUTUBRO. DÍA DAS BIBLIOTECAS

O vindeiro luns 24, faremos na biblioteca do noso centro, unha feira de libros usados para conmemorar este día.

CURSO 22-23

Iniciamos este novo curso, coa tan esperada “normalidade” e xa sen un protocolo específico de adaptación ao contexto da Covid-19 no ámbito educativo, aínda que, seguiremos as recomendacións xerais de ventilación e de hixiene de mans e respiratoria. Esperamos con ilusión retomar as actividades que se viron afectadas pola pandemia e iniciar todas aquelas que sexa posible. Queremos facer da nosa biblioteca un centro de recursos, información e aprendizaxe. Un espazo que facilite experiencias gratas de encontro e convivencia cos libros e cos recursos culturais. Dende o equipo de biblioteca desexamos un moi feliz curso e felices lecturas para toda a comunidade educativa.

RECOMENDACIÓNS LECTORAS XUÑO 2021

Remata o curso e, coma outros anos, enviámosvos unha guía de lecturas para que desfrutedes durante as vacacións de verán. Tamén están á vosa disposición neste blog premendo no texto ou na imaxe.

                                                   RECOMENDACIÓNS LECTORAS XUÑO 2021

FELIZ VERÁN E FELICES LECTURAS!!

DÍA INTERNACIONAL DO LIBRO INFANTIL 2021

 

 

Desde 1967, o 2 de abril, coincidindo coa data do nacemento do escritor danés Hans Christian Andersen, o IBBY promove a celebración do Día Internacional do Libro Infantil co fin de promocionar a lectura entre os máis novos.

Este ano a sección de EEUU difunde a mensaxe “A música das palabras” da poeta cubanoamericana Margarita Engle, ilustrada polo brasileiro Roger Mello.

Compartimos desde a biblioteca o video que preparou a OEPLI (como sección española de IBBY) para conmemorar este día e que podedes ver premendo na imaxe.